Murti Gold Leafing Service — Marble, Brass aur Fiber Murti Par
Bhagwan ki murti par asli gold aur silver leaf ka kaam. Mukh, aabhushan, mukut, bhamandal aur prabhavali par bareek detailing — Sumera Warq ke apne karigar, 2007 se.
Rates start from ₹300 per sq. ft. — murti dekhkar final rate tay hota hai
Hamara Kaam
Neeche di gayi tasveerein Sumera Warq ke karigaron dwara ki gayi asli murti leafing ki hain.
Kis-kis murti par kaam hota hai
- Marble ki murti — Jain Tirthankar, Hindu devi-devta, Padmasan aur Kayotsarg dono
- Brass aur panchdhatu ki murti — chhoti ghar wali se lekar bade mandir tak
- Fiber aur POP ki murti — halki, bade size ki murtiyaan
- Lakdi ki murti aur nakkashi wale idols
- Bhamandal, chhatra aur prabhavali — murti ke peeche ka halo aur arch
- Singhasan aur asan — jispar murti virajman hoti hai
- Mukut, aabhushan aur vastra ki alag detailing
Kaam kaise hota hai
- Photo bhejein — murti ki 2-3 photo aur uski height WhatsApp par bhej dijiye.
- Quotation — size, carving aur material ke hisaab se likhit rate diya jaata hai.
- Murti taiyaar karna — safai, purani coating hatana, sanding aur gesso / primer.
- Adhesive — hamara apna water-based Metal Leafing Adhesive lagta hai.
- Leafing — leaf ek-ek karke lagti hai; mukh, ungliyon aur aabhushan mein brush se dabai jaati hai.
- Finishing — extra leaf hatakar burnish aur protective coating.
Chhoti murti hamari Jaipur workshop mein aa sakti hai. Badi murti ya mandir mein sthapit murti ke liye karigar aapke sthan par jaate hain — murti hilani nahi padti.
Gold ya Silver — kaun sa chunein
Gold leaf ka rang garam aur rich hota hai. Mandir ki murti, Tirthankar aur devi-devta ke liye sabse zyada isi ki maang hai. Asli 22K / 24K aur imitation, dono option hain.
Silver leaf (chandi ka warq) ka finish thanda aur bright hota hai. Rate gold se kam padta hai. Kai log murti par gold aur pravabhali / singhasan par silver karvate hain — dono ka contrast bahut sundar lagta hai.
Sumera Warq hi kyun
- Material apna hai. Hum khud gold aur silver leaf ke importer aur supplier hain — rate mein bicholiya nahi.
- Murti ka tajurba. Mukh aur aankhon ka kaam sabse nazuk hota hai; hamare karigar 2007 se yahi kar rahe hain.
- Shraddha ke saath. Mandir aur garbhagriha mein kaam karte waqt safai aur maryada ka poora dhyan.
- Registered business. GST, ISO 9001:2015, trademark aur Udyam registered.
- All India. Karigar Rajasthan se bahar bhi bheje jaate hain.
Rate kaise lagta hai
Rate ₹300 per square feet se shuru hota hai. Murti ka rate in cheezon par nirbhar karta hai:
- Murti ki height aur surface area
- Carving kitni bareek hai — aabhushan, mukut aur vastra ki detail jitni zyada, utna kaam
- Material — asli gold leaf, imitation gold ya silver
- Murti kis cheez ki hai — marble, brass, fiber ya lakdi
- Kaam workshop mein hoga ya site par
Sahi rate ke liye murti ki photo WhatsApp par bhej dijiye — 24 ghante mein estimate mil jayega.
Enquiry bhejein
Neeche form bharein, ya seedha WhatsApp par murti ki photo bhej dijiye.
Aksar puche jaane wale sawaal
Kya asli sona lagta hai?
Dono option hain — asli gold leaf (22K / 24K) aur imitation gold leaf. Quotation mein saaf likha jaata hai ki kaun sa material lag raha hai.
Murti ko mandir se hataana padega?
Zaroori nahi. Chhoti murti workshop bheji ja sakti hai, lekin sthapit murti par hamare karigar wahin aakar kaam karte hain.
Kitne din lagte hain?
Ek chhoti murti kuch dino mein ho jaati hai. Badi murti, prabhavali aur singhasan ke saath kaam zyada samay leta hai. Quotation ke saath samay bhi bata diya jaata hai.
Murti ki aankhein aur mukh kharab to nahi honge?
Nahi. Mukh aur aankhon ka kaam sabse dhyan se hota hai. Aap chahein to aankhein aur tilak jaise hain waise chhod diye jaate hain.
Kitne saal chalta hai?
Protective coating ke saath, mandir ke andar ki murti par gold leaf kai saal chalta hai. Khule mein rakhi murti par mausam ka asar padta hai, isliye beech-beech mein touch-up chahiye hota hai.
Purani murti ki gold leafing dobara ho sakti hai?
Haan. Purani leafing ud gayi ho ya kaali pad gayi ho to us par dobara kaam kiya ja sakta hai. Photo bhejein, dekh kar bata denge.
Sirf material chahiye, kaam nahi — milega?
Bilkul. Hum gold leaf, silver leaf aur leafing adhesive alag se bhi bechte hain. ➤ Shop dekhein
Ye kaam bhi karte hain
➤ Mandir Gold Leafing — shikhar, dome, garbhagriha aur toran ka kaam.
➤ Mandir Kalash & Shikhar Gold Work — kalash, dhwaj dand aur plaques.
➤ Furniture Gold Leafing — bed, sofa frame, console aur mirror frame.
➤ Saari Leafing Services — poori list ek jagah.
Apni murti ka estimate lein
Murti ki photo bhejein, 24 ghante mein rate mil jayega.
WhatsApp: 93527 22212
Call karein
Sumera Warq, Jaipur, Rajasthan — India bhar mein seva